منتديات بانوراما المعرفة

وٍآحٍـٍـٍة مٍنْ الإٍبدٍآعٍ وٍعآلٍـٍمْ بلآ حٍدٍوٍوٍد
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 كلمات أفضل أغاني الفنان عبدالكريم عبدالقادر

اذهب الى الأسفل 
كاتب الموضوعرسالة
الذيبانـي
المدير العام
المدير العام
avatar

ذكر
عدد الرسائل : 201
العمر : 45
تاريخ التسجيل : 13/03/2008

مُساهمةموضوع: كلمات أفضل أغاني الفنان عبدالكريم عبدالقادر   الأربعاء 14 مايو 2008, 5:28 pm

غناء: عبدالكريم عبد القادر

غريـب
----
غريـب
شايل جروحي والحكي وياي
غريـب
داير وروحي هدّها ممشاي
أمشي وقلبي حزن أمشي
أشكي وطربكم إبكاي

بدت غربتي خطوة مع الّلي إنقال
مشت دنيتي طوّل طريقي وطال
قلت الليالي كلّمت حالي
أوّل حبيب أحبه علّمني معنى المحبه
شلون أخليه وأمشي بدنياي غريب
أدري بحاتيه غالي إبعيني وحبيب

أدري في قلبك كلام ودّك تقوله
أدري فيك وأنا معاك تشتاق وتوله
أدري فيك أدري
لا ما يكفي إنّي أدري
ودّي أسمع كلمة منك
كلمة فيها نور عمري
أنا أحبك
قول قول خل تطير الدنيا فيني
قول قول خل ليالي الشوق تجيني
يالّلي كلمة واحدة منك
ترسم الدنيا بعيوني
غريب غريب
Xxxxxxxxx


أنا رديت
---


أنا رديت لعيونك أنا رديت
ولك حنيت مثل ما يحن حمام البيت
أحبك حب يا روحي ما حبه أبد إنسان
ما أغبّي وأقول أهواك ما أغبّي
ما أغبي شكثر ولهان ما أغبي
ولعيونك أنا رديت أنا رديت

قزر عمري أسولف فيك ولا أتعب
وكل منك وكل ما فيك غصب ينحب
على خدك يا نوّير الربيع زاهي
نظر عينك طفل عن دنيته ساهي

يا علّك ما نسيتيني
يا علّك كثر حبي تحبّيني
أنا وإن طالت الغربة
أرد لك وأسبق سنيني

منساك منساك لو مهما جرى
منساك منساك يا أنس روحي وغربتي
وعيونك الحلوة ترى
آخر محطة بدنيتي منساك
Xxxxxxxxxxxxxxxx

للصبر آخر
------


للصبر آخر خلاص عافك الخاطر
حاولت أسامح ولكن ماني بقادر
روحي بطريق وأنا بطريق
خلني على جرحي العتيق
خلاص عافك الخاطر

تذكر يوم صرت أنا حديث الناس
ومن منّه .. منك يا أعز الناس
واليوم أقدم لك عذر
وإن كان لي عندك قدر
محبتي تقطع من رجاها الياس
روحي بطريق وأنا بطريق
خلني على جرحي العتيق
خلاص عافك الخاطر

هذا القرار الأخير وإعتبرنا منتهين
لا تنتظر لحظة حنين هذا القرار الأخير
ما أحبك .. بقناعة قلتها
إنتهى الحب إنتهى
إلتهى القلب إلتهى
وهذا القرار الأخير
روحي بطريق وأنا بطريق
خلني على جرحي العتيق
خلاص عافك الخاطر
Xxxxxxxxxxxxxx

لا خطاوينا
-----


لا خطاوينا وراها لقى
وإن تلاقينا نتلاقى بشقى
ولازم واحد فينا يضحي
يقسى وينسى الذكرى ويمحي
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي

يا إنت يا أنا
من هو اللي فينا بيبتدي
خل نفتعل الفراق
ونجرح الأشواق
دام الحزن واحد
أدري ترد تشتاق ومثلك أنا بأشتاق
بس لازم نعاند
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي

لا لا تخاف حاول حبيبي
حاول حبيبي ولا تخاف
لا لا تخاف قرر حبيبي
قرر حبيبي ولا تخاف
ما بقى بحبنا بعد شيّ عليه ينخاف
خل الحزن مرة يبدي ولو مرة
بإختياري وبإختيارك
ومهما دمعي ودمعك هل
بيدي وبيدك يبقى الحل
إما بجرحك ولا بجرحي
لازم واحد فينا يضحي
Xxxxxxxxxxxxxxx

وداعية
----


وداعية يا آخر ليلة تجمعنا
وداعية أعز الناس يودعنا
ليلة ويا عساك تعود
عسى الله يصبر الموعود
أنا بعدك عمر مفقود
دنيا بلا معنى .. بلا معنى

لحظة يا بقايا الليل لحظة
لحظة ما بقى بالحيل لحظة
بالهدا يا ليل .. ما بقى بي حيل
حسيت إني بانحرم شوفي
ما اقدر أوادع قطعة من جوفي
ليلة ويا عساك تعود
عسى الله يصبر الموعود
أنا بعدك عمر مفقود
دنيا بلا معنى .. بلا معنى

قال الوداع قال
لحظة وداع قال
وهلت الدمعة وسال
الكحل فوق السواطر
كل دمعة من عيونك
أشتريها بألف خاطر
إنت غربة وأنا بدروبك محطة
آه يا حظي ما وصل يمي وخطّى
قال الوداع قال
قال الوداع
Xxxxxxxxxxxxxxx

غيب وأنا أغيب
------


غيب وأنا أغيب ونشوف من هو اللّي يتأثر
من هو يكون ملهوف للثاني أكثر
مهما تصد ولاّ تروح
أدري أنا قلبك سموح
وأدري على الفراق مثلي ما تقدر

هذا إنت وهذا أنا
إذا تقدر على بعدي
هذا إنت وهذا أنا
إذا تقدر تحب بعدي
روح ولف الدنيا كلها
روح ودوّر بين أهلها
المحبة اللّي في قلبي لا تظن تلقى مثلها

نفس الشعور اللّي أحمله
إنت يا روحي تحمله
تزعل علي ترضى علي
زعلك أنا أستحمله
وأحبك الحب الأكيد
هذي المحبّـة بالفعل ولاّ فلا
Xxxxxxxxxxxxxxxx

أحوال العاشقين
-------


أحوال العاشقين أحوال
كل يوم لها حال
فيها الدموع فيها الفرح
فيها اللي ذاب واللي إنجرح
دنيا غريبة .. دنياي أنا ودنياك
دنيا عجيبة .. مكتوب علي فرقاك
دنيا غريبة .. دنيا عجيبة
كل يوم لها أحوال

* * *

من قال يا عمري أقدر على النسيان
من قال في قلبي غيرك يعيش إنسان
جرحي قديم وفي القلب باقي له أثر
ما ينمحي مهما يطول عمر الدهر

* * *

يا حبيبي مو بسهولة تنسي حلو السوالف
واللي بقلبي بأقوله
إنت أدرى فيه وعارف لو ما أقوله
دنيا غريبة .. دنياي أنا ودنياك
دنيا عجيبة .. مكتوب علي فرقاك
دنيا غريبة .. دنيا عجيبة
كل يوم لها أحوال
أحوال العاشقين

Xxxxxxxxxxxxxxxxxxxx
أسمع صدى صوتك
شعر: محمد بن راشد المكتوم
----------------


أسمع صدى صوتك مع ضجّـة الناس- ------ والحس يسري للضماير حسوسي

أنسى معاك العزم والفكر والياس ----------وحبك بقلبي للضمير مغروسي

واهيم في بحر بالأمواج غطاّس --------واسج وانسى عن ربوعي جلوسي

قربك شفا للروح والنود نسناس -------وروياك سعدي عن ليالي نحوسي

يا مورد الخد المعسل بالألعاس ----------يا ضي جبينه في الظلام الدّموسي

العين عين اللي على الكف حبّاس -----------والصيد له بمعودات الفروسي

فرخ الحرار مذهب الريش طلماس ----------أشقر عليه من النداره هيوسي

ياضي ضيا خده كما نور نبراس --------والا شعاع الشمس قبل الغلوسي

كنه يحش القلب مرهوف الأمواس -------حش الصريم اللي نواه اليبوسي

عليه من فقدي ووجدي والإحساس -------مثل الضريم اللي عليه محموسي

نار اتواقد هبها نود لساس ------------موقد غضاها من حطبها يبوسي

Xxxxxxxxxxxxxxxxxx

الله وأكبر
-----


الله وأكبر يا هوى البال وشفيك -------- وشغيّرك وشجاك طبعك غريبي

لا وحسايف عبرتي يوم أناديك ---------- تسمع ولكن للأسف ما تجيبي

عبرة جريح الصوت بإسمك تسمّيك -------- يا نجمةٍ خايف ضواها يغيبي

أنا الذي من بدّة الناس مغليك --------- وأنت الذي جرحك بقلبي عظيمي

وش حيلتي إن خاب الرجا فيك --------- ويّاك ما قصّرت قصّر نصيبي

خلاص من شاف أولك عاف تاليك ----------- يزيد جرح القلب ولا يطيبي

إشره على اللي عقب هذا يحاكيك ------ماني حبيب لك ولا إنت حبيبي

Xxxxxxxxxxxxxxxxxxx

تأخرتي
----


تأخرتي
تأخرتي يا عمري الذي أقبل
تأخرتي و هذا الموعد الأول
أحسب له أنا الأيام و السّاعات و اللّحظات
لأنّه موعدي الأول
تأخرتي

ما بيني و بين روحي
أخذت من الكلام أحلاه
للأنك هوى روحي
يا أغلى شيئ أنا بألقاه
و كلما قرّب الموعـد
أحاسب نفسي و أتردّد
أنسى و أعيد من الأول
لأنه موعدي الأول
تأخرتي

تأخذني أنا النشوة
هذا و أسري على مسراك
و تسبقني لك الخطوة
تصوّر موعدي ويّـاك
و كلما قرّب الموعـد
أحاسب نفسي و أتردّد
أنسى و أعيد من الأول
لأنه موعدي الأول
تأخرتي
Xxxxxxxxxxxxxxxx

جمر الوداع
------

جتني تودعني بصمت وسكوت
يا وقت لا تمشي بسرعة وتفوت
أيدي بكت في إيدها نار وجمر
وعيني سكنت في عينها وقالت صبر
وأنا من الفرقة أحيا وأموت

إهيه وأنا ما بين صمت وانتظار
إهيه وأنا وكيف نبدي بالحوار
حبيبتي وش حالها قبل الرحيل حبيبتي
أشوف أنا بعيونها دمعة ورا دمعة تسيل
كلمتها.. طمنتها.. وعدتها أبقى لها
وراحت قبل ما أنهي الكلام
وراحت تخنقها عبرة في الزحام
وأنا من الفرقة أحيا وأموت

من بعيد عيني عليها من بعيد
ومن بعيد تومي بيديها من بعيد
تلتفت صوبي وأنا
أحتضن حزني وحزنها
وأتساءل ويا نفسي
كيف باصبر لحظة عنها
حارت الكلمات ما بين الشفاة
ما بقى بالجوف غير آه وآه
ناظرتني .. وادعتني
وأنا من الفرقة أحيا وأموت
Xxxxxxxxxxxxxxx

سامحني
----


سامحني خطيت وخاني التعبير
سامحني والغلطة بعد ما تصير
عاتبني وبالعتاب أرتاح
عاتبني وريحني وسامحني على التقصير

أعترف أعترف ومستعد أنا احلف
صدقني ماكان قصدي ما كان ودي يا حبيبي نختلف
إعترافي لك ما هو معناته ضعف
إعترافي لك من ذوقي و لطفي
عاتبني وبالعتاب أرتاح
عاتبني وريحني وسامحني على التقصير

بيدك إنت الأختيار
أنا قدمت إعتذاري وإنت بيدك الأختيار
تسمح وتنسى اللي صار
بيدك إنت يا حبيبي تسمح وتنسى اللي صار
عاتبني وبالعتاب أرتاح
عاتبني وريحني وسامحني على التقصير

Xxxxxxxxxxxxxxxxxxxx

كل الحب
-----


إرجع يا كل الحب إرجع يا روحي

إرجع أنا محتاج لأيامك الحلوة

مليت أنا مليت زادت جروحي

إرجع يا روح الروح الهجر ما يسوى

خليتني ما بين شكي وخوفي

لاني بأمل مفقود ولاني على الحروة

حبل الوصل خله بينك وبيني

لا تقطعه أرجوك لا تباعد الخطوة

من غبت عني غاب فرحي ونساني

ما غير أشكي الحال وأعاود الشكوى

رد الفرح رده رد لي الأماني

ما عدت أنا والله على غيبتك أقوى

Xxxxxxxxxxxxxxxxx

ما نسيناه
-----


ما نسيناه
روحوا قولوا له ترانا ما نسيناه
من عرفناه
ما هفت عيننا على غيره لا بالله

كان يبيعرف عن الشوق اللّي فينا
يسأل عيونه إذا إلتفتت علينا
الغدير اللّي في عيونه
من زلاله ما روينا
وشعلينا من ظنونه
ما تقولون و شعلينا

ياما ياما
يا ما غيرتنا فضحتنا
كل ما جابوا سيرة فيه
نبّهت كم واحد غافل و ساهي
ياما حيرتنا جرحتنا
سهّرت عيننا عليه
وهو مع ربعه يكون مشغول و لاهي
هو يتهمنا و يقول إحنا نسيناه
وإحنا وين ننسى مادام هالغيرة فينا
روحوا قولوله ترانا ما نسيناه
ما نسيناه
Xxxxxxxxxxxxxxxxx

محال
---


محال محال محال
عمر المحال ما يصير
محال محال محال
أعيش أنا حب خالي من التقدير
فكرت أنا فكرت .. قررت أنا قررت
أنسى أنا حبك هذا بعد تفكير

عانيت وكم عانيت
وأصغيت لك طول العمر
ضحيت وكم ضحيت
والروح أتعبها الصبر
آن الأوان إني أحدد موقفي
وآن الأوان أوضح الجرح الخفي
ومن العذاب ومن الجراح أنا أكتفي
فكرت أنا فكرت .. قررت أنا قررت
أنسى أنا حبك هذا بعد تفكير

آه يا أنا يا أنا آه يا أنا
ويني أنا كل هالسنين
آه يا أنا يا أنا آه يا أنا
نبهني صمتي للحنين
عيش الحزن عيش الألم وحدك
وخلني أعيش دنيا الهنا بعدك
ما أنتظر رد وعذر
ما عاد يهم بالنسبة لي ردك
فكرت أنا فكرت .. قررت أنا قررت
أنسى أنا حبك هذا بعد تفكير
Xxxxxxxxxxxxxxxxxxxx

مـرنـي
-----

مرني مرني
إذا الوقت يسمحلك وتقدر
مرني مرني
ترى إنت عمري كله وأكثر
عسى وقتك يوافق
أنا يا سيدي عاشق
مرني

سنة وأنا أنتظر
طال انتظاري والوقت محسوب
وأنا أدري العمر يا عمري ساري
ويا صبر القلوب
وأنا عمري حسابه لما اشوفك
يا زين الدنيا وعيوني تحوفك
وعسى وقتك يوافق
أنا يا سيدي عاشق
مرني

ألا يا آسري مثلي تشوقت
واشتاقت الروح
ترى يا ناظري ياخذني الوقت
وأيامي تروح
وغرامي اللي حبسته في فؤادي
يشيل الشوق وبصوته ينادي
وعسى وقتك يوافق
أنا يا سيدي عاشق
مرني
Xxxxxxxxxxxxxxxxx

يا نور عيني
------

يا نور عيني لسكت إعذريني

ساكت ومن مثلي يسّوي سواتي

تاخذني أفكاري شمال ويمين

عيّـا حديثك لا يبدل سكاتي


فكرت باللي فاتني من سنيني

قعدت أعدّد سيئتي وحسناتي

دنيا تخلي القاسي يليني

يا ليتها تمشي على مشتهاتي


ياللّي مكانك بين جفني وعيني

لو هو بديني أعطيك عمري وذاتي

عرفك تأخر حيث وينك وويني

ليتني عرفتك في بداية حياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://panorama-knowlege.yoo7.com
جارة القمر
عضو متميز
عضو متميز
avatar

انثى
عدد الرسائل : 274
العمر : 28
تاريخ التسجيل : 14/03/2008

مُساهمةموضوع: رد: كلمات أفضل أغاني الفنان عبدالكريم عبدالقادر   الثلاثاء 20 مايو 2008, 12:16 pm

مشكووور أخوي على النقل الرائع
لكلمات الفنان القدير
عبد الكريم عبد القادر
Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات أفضل أغاني الفنان عبدالكريم عبدالقادر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بانوراما المعرفة :: الأقسام الأدبية والشعرية :: منتدى الصوٍتٍـيآت :: منتدى الأغاني-
انتقل الى: